| |
| |
| ----------------------------- |
|
|
|
| |
| people |
| |
| Bagong
OWWA admin |
Si
Virgilio Angeles, ang dating vice chairman at general
manager ng Philippine Charity Sweepstakes Office, ang
papalit kay Wilhelm Soriano bilang pinuno ng OWWA.
Si Soriano ay naka-leave mula
pa noong Agosto bilang OWWA administrator mula nang sinisi
at paimbestigahan siya ni Sto. Tomas sa pagpasyang ipuhunan
ang milyun-milyong pondo ng mga OFWs sa Smokey Mountain
Project nuong 1995. Mangyari ay hindi pa rin makuha ng
OWWA ang pinautang sa Home Guaranty Corporation pati na
interes dito na umabot na sa P1.1 bilyon.
Si Angeles, na may 30 taong nagtrabaho
sa iba-ibang bangko, ang aasikaso sa pagbawi ng OWWA Fund
na pinautang sa HGC.
Makakaluwang na rin si Delmer R. Cruz, na nagsilbing OIC
ng OWWA mula nang umalis si Soriano. Bukod sa pagtayo
bilang OIC, dalawang tungkulin pa ang sabay-sabay na ginampanan
ni Cruz: bilang deputy administrator at manager ng OWWA
Medicare. |
| |
| Nagbantay
ng bangkay |
Kahit
nasa Jeddah, Saudi Arabia ang OFW na si Mrs. Virgie Hipolito,
di sinasadyang ginunita niya ang undas duon. Bilang pagtulong
sa kabayan at pagmamagandang-loob na rin, siya ang napakiusapang
magbantay at mag-asikaso sa pagpapauwi ng bangkay ni Jimson
Cabanilla, na hindi niya kamag-anak.
Sinabi ni Hipolito kay Rod Hizon
ng Radyo OFW na Hulyo 8 pang patay ang di-dokumentadong
OFW na si Cabanilla subalit hindi agad naaksyunan ng konsuladong
Pilipino sa Jeddah ang hiling niyang tulong para mapauwi
ang bangkay sa Pilipinas. Ayon sa kanya, walang pamasahe
at hindi alam ang tirahan ng yumaong Cabanilla kaya hindi
maiuwi.
Nanawagan si Hipolito kay Gloria
Sibote na konektado sa ahensya ni Cabanilla na tumulong
sa pagpapauwi ng bangkay. Ang ahensya ay nasa 360 Bagong
Kalsada, San Miguel, Bulacan at may telepono na 254-8428.
Nanawagan din siya sa kamag-anak o sinumang nakakikilala
kay Cabanilla na tulungang maihatid ang bangkay sa Pilipinas.
Sa mga nais magtanong, si Hipolito
ay mako-kontak sa 057-910618. |
| |
| Pauwiin
nyo na kami! |
Nanawagan
din sa programang pang-radyo ni Rod Hizon si Norma Alejo
na tulungan ng DFA ang kapatid niyang si Joselito na makauwi
na sa Pilipinas. Si Joselito ay isa sa tatlong OFW na
pinawalang-sala ng hukom na Saudi nuong Hulyo sa paratang
na pagpatay ng isang lokal na pulis nuong 1997. Isa siyang
trailer driver ng Astra Farms sa Tabuk, Saudi Arabia.
Subalit siya, si Romeo Cordova at si Ramiro Esmero ay
nakakulong pa rin hanggang sa sinusulat ang balitang ito.
Ayon kay Norma, tumatawag ang
kanyang kapatid sa kanya at nagsumbong na hindi inaasikaso
ng DFA ang paglaya nila. Sinabi ni Norma na lumalapit
sila kay DFA Secretary Blas Ople ngunit ayaw silang harapin
nito.
“Nakikiusap ako kay GMA
na pauwiin na ang kapatid ko bago mag-Pasko,” hiling
ni Norma.
Kunsumido rin ang hipag ni Joselito
na si Zeny dahil hindi natupad ang pangakong tulong ni
Pangulong Arroyo nang bisitahin niya ang pamilyang Alejo
sa Cavite City nuong Agosto. “Nauuna pa ang photo-op,
wala namang ginagawa ang DFA. Dapat pagsabihan na ni GMA
ang DFA na bilis-bilisan nila ang pag-aasikaso kay Joselito,”
sambit ni Zeny. |
| |
| Nakauwi,
pero pilay |
Hindi
lahat ng OFW na nakabalik sa Pilipinas matapos ang masamang
karanasan sa ibang bansa ay masaya lalo na kung nagtamo
sila ng pinsala sa katawan. Isa na rito si Haji Mundang,
isang domestic helper na dumating sa Pilipinas mula Kuwait
nuong Okt. 25 na naka-wheel chair. Sawing palad siyang
napilayan matapos tumalon sa ikaapat na palapad ng gusaling
tinitirhan ng kanyang amo upang umiwas sa tangkang panghahalay
sa kanya ng huli.
Sa naiulat na salaysay ni Mundang
sa isang welfare officer sa NAIA matapos siyang bumaba
mula sa Flight 411 ng Kuwaiti Airways, sinabi niya na
pikit-mata siyang tumalon mula sa silid ng among si Mohammad
Walid. Bago tumalon, nanlaban muna si Mundang para makawala.
Nagsimulang magsilbi si Mundang
sa pamilyang Walid noong 1992. Sa una ay maayos ang trato
sa kanya ng mag-asawang Mohammad at Monera Walid. Pagkalipas
ng ilang buwan, biglang nagbago ang pagtrato sa kanya.
Isang araw ay dinala ng amo si
Mundang sa gitna ng disyerto at tinangkang ipagbili sa
kanyang mga kaibigan na naghahanap ng aliw. Tumanggi si
Mundang kaya nagalit si Mohammad. Umuwi sila at sa bahay
ay pinasok ni Mohammad si Haji sa kanyang silid para halayin.
Nanlaban si Mundang at nang makawala ay tumalon sa gusali
at tuluyang tumakas. |
| |
| DFA
hirap tumulong sa mga nakakulong |
Inamin
ng DFA na marami ngang nakakulong na OFW sa Saudi Arabia
tulad ng paratang ng Migrante International, isang grupo
na tumutulong mangalaga sa kapakanan ng mga OFWs. Subalit
hindi agad natutulungan ng DFA ang mga ito dahil sa kaugalihang
legal at hukom ng mga Saudi. “Hindi nila inaanunsiyo
na may Pilipinong nakakulong,” sabi ni Christopher
Aro, principal assistant sa Public Information Service
Unit ng DFA.
Sabi ni Aro na ang DFA at OWWA
ang may responsibilidad sa pagtulong sa mga nakakulong
na Pilipino sa kaharian. Ang OWWA ang nag-aasikaso sa
repatriation ng mga legal na OFW o yung kumpleto ang papeles
samantalang ang Office of the Migrant Workers Affairs
(OMWA) ng DFA ang tumutulong sa mga di-dokumentadong migrante.
May pondo ang DFA na nakalaan para sa pagpapauwi ng mga
OFWs pero ang paglabas ng perang ito ay dapat munang aprobahan
ng DFA. May proseso rin ang paglabas ng pera. Pormal dapat
na hilingin ng embahada sa Saudi ang paglabas ng pera.
Pag tanggap ng hiling, ipapasa ito ng DFA sa OWWA na siyang
magbibigay ng pondo.
Sa mga ilegal na OFW, nag-i-isyu
ng bagong pasaporte ang embahada at pormal na humihiling
ng pera sa OMWA. Isa hanggang dalawang araw nailalabas
ang hiniling na pera at ito ay pinapadala sa embahada
sa pamamagitan ng bangko at courier.
Kung ganon, bakit kaya marami
pang OFW na gustong makauwi sa Pilipinas pero hindi makauwi?
Hmmm. |
| |
| Galit
kay Sto. Tomas |
| Sa
sobrang galit ni Willie D. Espiritu, may-ari ng ahensyang
Philippine Overseas Employment Industry Foundation (POEI),
kay Labor Secretary Patricia A. Sto. Tomas, nagsampa
siya ng kasong paglabag sa Anti-Graft and Corrupt Practices
Act laban sa huli. Isinampa ni Espiritu ang kaso sa
opisina ng Ombudsman sa Quezon City noong Okt. 29 dahil
umano sinadyang di tuparin ni Sto. Tomas ang deregulasyon
ng recruitment industry na sinasaad sa Migrant Workers
and Overseas Filipinos Act of 1995 pati na ang paglalabas
niya ng Department Order No. 10.
Sabi ni Espiritu na walang kapangyarihan
si Sto. Tomas na mag-isyu ng patakaran sa pagsasanay,
pagsusulit, sertipikasyon at pagpapadala ng mga entertainer
na nakapaloob sa nasabing utos dahil ang POEA ang tanging
gumagawa nito. Nagrereklamo si Espiritu sa utos dahil
ito raw ay mahirap kung di man imposibleng sundin, lalo
na ang pagbabawal sa mga talent manager na mag-endorso
ng entertainer sa TESDA para sa pagsusulit ng kakayahan.
Hindi
naman alala si Sto. Tomas. Ayon sa sekretarya, nagpasya
na ang Mataas na Hukuman na isakatuparan ang DO 10.
Isa lamang daw “publicity” ang kaso. |
| |
| Masibak
daw sana |
Sa
kanyang panayam sa programang Radyo OFW, sinagot ni Espiritu
ang tanong ng brodkaster na si Rod Hizon kung sang-ayon
ba siyang mapalitan si Sto. Tomas.
“Dapat lang masibak si Sto.
Tomas,” pahayag ni Espiritu. Gusto niya ito dahil
lantaran daw ang corruption sa TESDA. Hindi raw pinipigilan
ni Sto. Tomas ang P20,000 non-appearance fee sa ARB system
at muling itinalaga niya sa TESDA si Lucita Lazo.
Binatikos pa niya si Sto. Tomas
dahil hindi niya sinasabi ang totoong nangyayari sa mga
OPAs sa Hapon at puro pagpapagandang babae sa dyaryo ang
ginagawa dahil sa pagpapahayag na walang nade-deport na
entertainers duon.
Napaulat nang si Sto. Tomas ay
kabilang sa mga miyembro ng gabinete na papalitan ni Pangulong
GMA. Napaulat din na si Roy Seneres, ang chairman ng National
Labor Relations Commission at dating embahador sa United
Arab Emirates, ang posibleng pumalit sa kanya. |
| |
|
|
|
|
|
|
|
|
|
|
|
|
|
|
